header-add
header-add
Breaking News

अफगानिस्तानमा आत्मघाती हमलामा १४ नेपालीको मृत्यु

अफगानिस्तानमा आत्मघाती हमलामा १४ नेपालीको मृत्यु

अपडेट : काबुल, असार ६ । अफगानिस्तानको राजधानी काबुलमा आतंकवादी संगठन तालिवानले गराएको आत्मघाती बम विष्फोटमा १४ जना मारिएका छन् ।

मिनी बसमाथि बम विष्फोट गराउँदा मारिने सबै १४ जना नेपाली रहेको अफगानिस्तान गृह मन्त्रालयले जनाएको छ । ती सबै साब्रे सेक्युरिटी कम्पनीमा काम गर्ने गर्दथे ।

नौं जना घाइतेमा पाँचजना नेपाली र चारजना अफगानिस्तानी रहेको त्यहाँका गृहमन्त्रीलाई उद्धृत गर्दै अन्तर्राष्ट्रिय समाचार संस्थाहरुले जनाएका छन् ।

उनीहरु सबै क्यानेडियन दूतावासमा सुरक्षार्थ खटाइएका थिए । जलालावादस्थित क्याम्पमा जाँदै गर्दा गराइएको घटनाको जिम्मेवारी तालिवानले लिएको हो । सुरक्षा गार्ड चढेको दुईमध्ये एक गाडी निस्केपछि अर्कोमा आक्रमण गरेको बताइएको छ ।

मारिने र घाइते हुने नेपाली अफगानिस्तानमा सुरक्षा गार्डका रुपमा कार्यरत रहेको बताइएको छ । स्थानीय समय अनुसार आज बिहान करिब पौने ६ बजे काबुलमा गुडिरहेको मिनी बसमा अज्ञात ब्यक्तिले बम प्रहार गरेको हो ।

घटनाको थप विवरण प्राप्त भएको छैन ।

Related posts